ახალი ამბები

“საქართველოსთვის”: გორის თითქმის ყველა საარჩევნო უბანთან აგიტატორები დგანან

გორის თითქმის ყველა საარჩევნო უბანთან “ქართული ოცნების” აგიტატორები დგანან – ამის შესახებ რადიო “მოზაიკას” პარტიის “საქართველოსთვის” სიის II ნომერმა უთხრა.

მამუკა ფანიაშვილის თქმით, აგიტატორები არ იცავენ კანონით დადგენილ დისტანციას.

“თითქმის ყველა უბანთან ასეთი სიტუაციაა. არ იცავენ 100-მეტრიან დისტანციას, დგანან უბანთან და ეწევიან აგიტაციას”, – გვითხრა ფანიაშვილმა.

საარჩევნო უბნებთან ადამიანთა ჯგუფები დააფიქსირა ერთიანმა ნაციონალურმა მოძრაობამაც. პარტიის სიის II ნომერმა, ანო ბალიაშვილმა გავრცელებულ ვიდეოში აღნიშნა, რომ გორის უბნებთან “ქართული ოცნების” აგიტატორები და კოორდინატორები დგანან.

დატოვეთ კომენტარი

ავტორის შესახებ

"მოზაიკას" რედაქცია

გორის სათემო რადიო "მოზაიკამ" მედია საქმიანობა დაიწყო 2018 წლის 1-ელ იანვარს.