ახალი ამბები

გორის საოლქოში უბნების ხელახლა გადათვლის მოთხოვნით 11 საჩივარია დაწერილი

გორის საოლქო საარჩევნო კომისიაში, უბნებზე ხმების ხელახლა გადათვლის მოთხოვნით 11 საჩივარია დაწერილი. საჩივრის ავტორები არიან: ოპოზიციური პარტია “საქართველოსთვის” და არასამთავრობო ორგანიზაცია “სამართლიანი არჩევნებისა და დემოკრატიის საერთაშორისო საზოგადოება”.

საჩივრების საფუძვლად შემაჯამებელ ოქმებში აღმოჩენილი დისბალანსია მითითებული.

მაგალითად, ISFED-ს ერთ-ერთ საჩივარში ვკითხულობთ:

“N76 უბანზე მერის და პროპორციული საარჩევნო სისტემით კენჭისყრის შემაჯამებელ ოქმში არ დგება ბალანსი მიღებულ ხმათა რაოდენობას დამატებული ბათილი ბიულეტენების რაოდენობა 7-თ მეტია არჩევნებში მონაწილე ამომრჩეველთა საერთო რაოდენობაზე” ,  – აღნიშნულია საჩივარში.

იგივე ტიპის უზუსტობებზე მიუთითებს პარტია “საქართველოსთვის”:

“N97 საარჩევნო უბნის შემაჯამებელ ოქმში მერობის კანდიდატების მიღებული ხმების შემაჯამებელ ოქმში არ არის მითითებული ბათილი ბიულეტენების ოდენობა” , – მითითებულია ერთ-ერთ საჩივარში.

საჩივრებს გორის საოლქო საარჩევნო კომისია შეისწავლის და თუ კი, მომჩივანთა მოთხოვნა დაკმაყოფილდება, მითითებულ უბნებზე ხმები ხელახლა გადაითვლება.

დატოვეთ კომენტარი

ავტორის შესახებ

გიორგი დვალიშვილი

გიორგი დვალიშვილი არის გორის სათემო რადიო "მოზაიკას" ჟურნალისტი 2019 წლიდან.