Back to Top
covid-19

კორონა ვირუსი (323)

შიდა ქართლის გუბერნატორის ინფორმაციით, კარანტინის მესამე დღემ და ღამემ შიდა ქართლის რეგიონში მშვიდ ვითარებაში ჩაიარა.

გორის მუნიციპალიტეტის მერმა, კონსტანტინე თავზარაშვილმა გორის გასასვლელებში მოწყობილი საკონტროლო გამშვები პუნქტები მოინახულა და მოქალაქეთა მიერ კარანტინის პირობების შესრულების მდგომარეობას გაეცნო.


"მოქალაქეთა შემოწმება მშვიდ ვითარებაში მიმდინარეობს, დარღვევები თითქმის არ შეინიშნება, არც სიცხიანი მოქალაქე დაფიქსირებულა. მოსახლეობა გაგებით ეკიდება კარანტინის პირობებს და ცდილობს დაიცვას არსებული მოთხოვნები. მე იმედი მაქვს, რომ საერთო ძალისხმევით მალე დავამარცხებთ პანდემიას და ჩვენი მოსახლეობა ცხოვრების ჩვეულ რიტმს დაუბრუნდება“, - განაცხადა კონსტანტინე თავზარაშვილმა.


მოქალაქეების გადაადგილების კონტროლისა და მათი ჯანმრთელობის მდგომარეობის შემოწმების მიზნით საკონტროლო გამშვები პუნქტები გორის მასშტაბით 5 ადგილასაა მოწყობილი.

 

 

 

მოქალაქეთა გადაადგილებასა და უსაფრთხოების ზომების დაცვას თავდაცვის სამინისტროსა და შსს სამინიტროს წარმომადგენლები უზრუნველყოფენ.

ერედვის მუნიციპალიტეტის გამგეობამ გამოცხადებული საყოველთაო კარანტინის ფარგლებში დევნილთა დასახლებებში საკვები პროდუქტების დარიგება დაიწყო. ამის შესახებ ინფორმაცია გამგეობის ოფიციალურ გვერდზე გამოქვეყნდა.