Back to Top
ოთხშაბათი, 27 იანვარი 2021 14:11

გორის მუნიციპალიტეტში მოქალაქე ხეების უკანონოდ მოჭრისთვის დააჯარიმეს

Rate this item
(0 votes)

გორის მუნიციპალიტეტის სოფელ ღვარებში მოქალაქე გ.გ-მ წიწვოვანი ჯიშის 22 ცალი სამასალე მორი უკანონოდ მოიპოვა, რის გამოც, მას გარესმოსდაცვითი ზედამხედველობის დეპარტამენტმა მანქანა და მოპოვებული ხე-ტყის მასალა ჩამოართვა.

 

საქმემ გორის რაიონულ სასამართლოში გადაინაცვლა.

 

"საქმეში წარმოდგენილია ზარალის გაანგარიშება, რომლის თანახმად, გ.გ-ს მიერ გარემოსათვის მიყენებულმა ზიანმა შედგინა 664,07 ლარი. ჩამორთმეული ავტომანქანა და მასზედ განთავსებული წიწვოვანი ჯიშის დაუფირნიშებელი 22 ცალი მორი განთავსდა გორის საჯარიმო ავტოსადგომზე" , - ნათქვამია საქმის მასალებში.

 

სასამართლომ შეისწავლა აღნიშნული საქმე და დაასკვნა, რომ გ.გ-მ დაარღვია ადმინისტრაციული სამართალდარღვევათა კოდექსი. 

 

მოსამართლე დავით პაპუაშვილმა იგი 1000 ლარით დააჯარიმა და ამასთან, დააკისრა სახელმწიფოსთვის მიყენებული ზარალის 664,07 ლარის გადახდა.

Read 162 times